Si mund të aplikoj për Kredinë e Gjelbër GEFF?

• Përzgjidhni teknologjinë që dëshironi nëpërmjet Selektorit të Teknologjisë në http://technology-al.ebrdgeff.com/ dhe klikoni Çertifikatën e Pranueshmërisë
• Merrni Pro-faturën ose preventiv të ngjashëm të teknologjive të përzgjedhura nga tregtarët.
• Paraqituni pranë degës që dëshironi të Bankës OTP për tu informuar më tepër rreth produktit dhe për të aplikuar për Kredinë e Gjelbër.
• Pas aprovimit të kredisë dhe disbursimit të fondeve, instaloni teknologjinë sipas planit të investimit dhe më pas paraqituni pranë degës për të bërë kërkesë për Grantin. Ju duhet të keni me vete edhe faturat për investimer e kryera.
• Pas plotësimit të formularit për përfitimin e Grantit, ekipi i GEFF do të verifikojë investimin e kryer.
• Nese investimi i kryer plotëson kushtet e vendosura nga EBRD/GEFF, ju do të përfitoni Grantin, i cili do të transferohet në llogarinë tuaj.

Si mund të përfitoj Kredinë e Gjelbër GEFF?

Për kredinë e gjelbër mund të aplikojnë individë të cilët kanë në pronësi, ose jetojnë në një shtëpi apo banesë dhe planifikojnë të investojnë në efikasitetin e burimeve energjitike për një ekonomi të gjelbër, si: efikasiteti i energjisë dhe burimeve të saj, energjia e rinovueshme, qëndrueshmëri ndaj efekteve të ndryshimeve klimaterike, etj.

Programi “Green Economy Financing Facilities“ (GEFF) mbështetet nga fondet publike të Bashkimit Evropian, Republika e Austrisë, në kuadër të Investimeve të Ballkanit Perëndimor. Projektet e zbatuara, të verifikuara me sukses, dhe të klasifikuara si të pranuara për përfitimin e grantit përfshijnë kategoritë e mëposhtme:

• 15% e kostove të pranueshme për një projekt brenda një banese individuale, ose shtëpie që përfshin një kategori të vetme të teknologjisë së zgjedhur nga Selektori i Teknologjisë GEFF
• 20% e kostove të pranueshme për një projekt brenda një banese individuale ose shtëpie ku përfshihen paketa me më shumë se një kategori të teknologjive të zgjedhura nga Selektori i Teknologjisë GEFF.

*Për më shumë detaje shihni investimet e pranuara për grante për individë: tabela e granteve

Produktet bankare që përputhen me ofertën e grantit të BERZH janë: kredi konsumatore e pakolateralizuar, kredi hipotekore (përfshirë rikonstruksionet), si dhe kredi për investime në banesë (të njohura dhe pranuara nga GEFF).